PEMBANTU PALSU, PEMBANTU BURON

 

Minggu wingi koran-2 nang Suroboyo podho heboh perkoro pembantu wedok loro edan sing nguras isi brankas juragane. Gak tanggung-2 enteke nganti 2 M… Padahal masa kerjane sik entas telung minggu, tapi “pesangone” ngalah-ngalahi menejer Persebaya!

Ngono iku tetep ae sing salah juragane. Lha njupuk pembantu modal percoyo thok! Gak eruh juntrungane moro digawe. Kasus sing koyok ngene iki wis akeh contone. Pembantune dhewe jarang iso ketangkep mergane identitase yo gak tau jelas. Kadang-kadang lek ketangkep bukti-2 ne wis gak onok, dadi gak iso diproses. 

Ngopeni pembantu pancen gampang-2 angel. Lek pancen lagi butuh, opo ae dilakoni. Golek sampek titip-2 nang pembantune tonggo-2. Lek dikandani sampek tersinggung, gampang metu njaluk mulih. Kadang-2 sing dikek-i ati yo mekso ngrogoh rempelo. Terus yak opo carane ben iso urip enak bareng pembantu?

Nomer siji sing sering dilalekno, ben onok pembantu anyar sing kiro-2 sregep kerjo lan gak rewel, ojok kesusu seneng dhisik. Jaluken KTP utowo Kipem utowo idetitas sing liyane, gawe garansi. Lek gak onok, yo jepreten minimal ngaggo kamera HP. Pembantu sing rajin, gak ngomelan, manut masiyo gajine cilik iku malah sing perlu diwaspadai, salah-2 golek “pesangone” keblabasen.

Sing keloro, ojo ninggalno omah kosong sampek kiro-2 rong minggu sakwise njupuk pembantu anyar. Nek kepekso, pembantu diajak ae utowo bagian-2 penting nang omah dikunci kabeh, titipno omah nang tonggo lan satpam, mbokmenowo onok sesuatu sing mencurigakan. Ojok lali njaluk nomer HP ne pembantu supoyo iso dikontrol soko adoh. Waktu sing paling kritis gawe nguras isi omah rata-2 pancen kurang soko sakwulan. Polene rutinitas juragane wis lumayan iso ditengeri, tapi tonggo teparuh lan satpam durung patek kenal.

Ucul soko indikasi opo pembantu sampeyan iku klebu jaringan utowo sindikat maling, yo tetep sing jenenge juragan kudu ngati-2. Perlu diselidiki nek pembantu sampeyan iku lebih besar pasak daripada tiang. Contone koyok to, klambine apik-2, HP ne klebu golongan mewah, pulsane gak entek-2… sopo eruh duwik nang dompet blanjan sering kalong nggo konok-an!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: